მნიშვნელოვანისაქართველოსიახლეები
საქართველოში უაქციზო სიგარეტის შემოტანის ბრალდებით 8 პირი დააკავეს
უაქციზო სიგარეტის საქართველოში შემოტანის ბრალდებით ფინანსთა სამინისტრომ 8 პირი დააკავა,ხოლო 24 პირი კი ბრალდებულის სახით პასუხისგებაში მისცა.
უწყების ცნობით,გამოძიების პროცესში, დანაშაულში მხილებული პირებისგან ამოღებულია სარეალიზაციოდ განკუთვნილი, სხვადასხვა დასახელების 73 608 კოლოფი უაქციზო სიგარეტი, რომლის საერთო საბაზრო ღირებულება 300 000 ლარს აღემატება.
2020 წლის ოქტომბერ-ნოემბრის პერიოდში,ფინანსთა სამინისტროს საგამოძიებო სამსახურის თანამშრომლებმა, საქართველოს მასშტაბით გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, გამოავლინეს მარკირებას დაქვემდებარებული აქციზური საქონლის აქციზური მარკის გარეშე შენახვა-გადაზიდვა-რეალიზაციის 43 ფაქტი.
