მნიშვნელოვანისიახლეები

„გირჩის“ ინიციატივით, ბორჯომში ოპოზიციური პარტიები შეიკრიბნენ

„გირჩის“ ინიციატივით და „NDI“-ის ორგანიზებით ბორჯომში სხვადასხვა ოპოზიციური პარტიების წინასაარჩევნო შეხვედრები მიმდინარეობს.

შეხვედრაში მონაწილეობენ „გირჩი“, „ევროპული საქართველო“, „ნაციონალური მოძრაობა“, „სტრატეგია აღმაშენებელი“, „ერთიანი საქართველო“, „ლელო“ და „მოქალაქეები“.

პარტიები მსჯელობენ რამდენიმე მნიშვნელოვან საკითხზე, რომელთა შორის არის: მართლმსაჯულების სისტემის რეფორმა (კერძოდ პროკურატურა და „სუს“-ი),  ეკონომიკა და განათლების სისტემა.

„ნაციონალური მოძრაობის“ კანდიდატის ისნის საარჩევნო ოლქში, ხატია დეკანოიძის განცხადებით, ოპოზიციური პარტიები შეთანხმდნენ იმაზე, თუ როგორი უნდა იყოს ქვეყანა საპარლამენტო არჩევნების შემდეგ.

მისივე თქმით, ბორჯომში გამართულ შეხვედრაზე ოპოზიციურმა პარტიებმა სხვადასხვა საკითხი განიხილეს და ზოგ შემთხვევაში აზრთა სხვადასხვაობა იყო, თუმცა ძირეულ პრინციპებზე შეთანხმდნენ.

ოპოზიციური პარტიები, რომლებიც საარჩევნო ძირითადი სუბიექტები არიან, შევთანხმდით ძალიან ძირეულ პრინციპებზე. მათ შორის შევთანხმდით იმაზე, თუ როგორი უნდა იყოს ჩვენი ქვეყანა საპარლამენტო არჩევნების შემდეგ. ანუ ბიძინა რომ წავა, რას ვაკეთებთ იმისთვის, რომ იყოს კანონის უზენაესობა, მართლმსაჯულების სისტემა, როგორც რეპრესიული მექანიზმი, აღარ არსებობდეს. ამ კუთხით ჩვენ მივიღეთ ძალიან მნიშვნელოვანი ინიციატივები. მე მიხარია, რომ ამ ინიციატივის უმეტესი ნაწილი იყო ჩემი. მაგალითად ის, რომ სუს უნდა გაუქმდეს, უნდა შევქმნათ შერიფის ინსტიტუტი, სკოლა უნდა იყოს ავტონომიური და .., – განაცხადა ხატია დეკანოიძემ.

 

მსგავსი პოსტები

Back to top button