მნიშვნელოვანირეგიონისიახლეები

კახეთში ეპიდემიოლოგიური მდგომარეობა ყოველდღიურად მძიმდება

კახეთში ეპიდემიოლოგიური მდგომარეობა ყოველდღიურად მძიმდება, კოვიდ-მიმღებ კლინიკებში ადგილები აღარ არის – ამის შესახებ დაავადებათა კონტროლის ცენტრის კახეთის განყოფილების ხელმძღვანელმა, ჟურნალისტებთან განაცხადა.

ნელი ხიზანიშვილის ინფორმაციით, ვითარების გაუარესებასთან ერთად, სკოლებსა და ბაღებში ბავშვები აღარ ცხადდებიან.

” ვითარება ყოველდღიურად იძაბება. დღეს ნახტომისებური ზრდა გვქონდა. განსაკუთრებით თელავსა და გურჯაანშია რთული ვითარება. ყველანაირი მაჩვენებელი, რითიც ეპიდემია ფასდება, გაუარესებულია. ინფიცირების მაჩვენებლების ზრდასთან ერთად, სკოლებსა და ბაღებში ბავშვები აღარ ცხადდებიან”- განაცხადა ხიზანიშვილმა.

ბოლო მონაცემებით რეგიონში კორონავირუსის რეკორდული მაჩვენებელი დაფიქსირდა. კოვიდ- 19, 889 მოქალაქეს დაუდასტურდა.

13 ოქტომბრისათვის, რეგიონის კოვიდ- მიმღებ კლინიკებში, პაციენტებისათვის ადგილი აღარ არის.
ექიმების განმარტებით, ინფიცირებულების დიდი უმრავლესობა, აუცრელია.

მსგავსი პოსტები

Back to top button