მნიშვნელოვანიმსოფლიოსიახლეები
კიევში საჰაერო განგაში გამოცხადდა
![](https://heretifm.com/wp-content/uploads/2022/02/SAGANGASHOSIGNALIKOIEBVI-780x465.jpeg)
უკრაინის დედაქალაქ კიევში საჰაერო განგაში გამოცხადდა, – ინფორმაციას Ukrinform-ი ავრცელებს.
გამოცემის ცნობით, მოსახლეობას თავშესაფრებში შესვლისკენ მოუწოდებენ.
ამასთან, Ukrinform-ი ავრცელებს ინფორმაციას ჩერნიგოვში საცხოვრებელ სახლში რუსული რაკეტის დაცემის შედეგად გაჩენილი ხანძრის შესახებ. გამოცემის ცნობით, დაშავებულია ერთი ქალი.
კიევსა და ხარკოვში ისევ აფეთქებების ხმა ისმის, – უკრაინული მედიის ინფორმაციით, ამის შესახებ კომუნიკაციებისა და ინფორმაციის დაცვის სახელმწიფო სამსახურში განაცხადეს.
„მანამდე უკრაინის დედაქალაქში რამდენიმე საათის განმავლობაში სიმშვიდე იყო“, – აცხადებენ უწყებაში.
შეგახსენებთ, უკრაინულმა მედიამ გაავრცელა ინფორმაცია, რომ ბელარუსიდან უკრაინის მიმართულებით მოიერიშე თვითმფრინავები მიფრინავდნენ.