კრასნოდარის მხარეში რუსებმა უპილოტო საფრენი მოწყობილობა გაანადგურეს

რუსეთის საჰაერო თავდაცვის სისტემებმა გაანადგურეს რამდენიმე უპილოტო საფრენი მოწყობილობა, როცა ისინი ილსკის ნავთობგადამამუშავებელ ქარხანას მიუახლოვდნენ კრასნოდარის მხარეში, შავი ზღვის მახლობლად, – განაცხადეს ადგილობრივმა ოფიციალურმა პირებმა 28 მაისს. ამის შესახებ იტყობინება Reuters-ი.

“რამდენიმე უპილოტო საფრენმა მოწყობილობამ სცადა მიახლოება ილსკის ნავთობგადამამუშავებელი ქარხნის ტერიტორიასთან კრასნოდარის მხარეში”, განაცხადეს რეგიონის საგანგებო სამსახურის ოფიციალურმა პირებმა Telegram-ით. “ყველა მათგანი ნეიტრალიზებულია, ქარხნის ინფრასტრუქტურა არ დაზიანებულა”. ოფიციალურ პირებს არ უთქვამთ, ვინ განახორციელა თავდასხმა.

Reuters-მა ამ ცნობის დამოუკიდებლად გადამოწმება ვერ შეძლო.

რუსეთში, სანქტ-პეტერბურგთან ახლოს მდებარე ქალაქ კოლპინოში საწყობი იწვის.

უკრაინული მედია წერს, რომ ცეცხლი 300 კვ.მ-ზეა გავრცელებული.

ამ დროისთვის დამატებითი დეტალები უცნობია.