ლამბალოდან გატაცებული 17 წლის გოგო იპოვეს

კახეთის პოლიციის დეპარტამენტის თანამშრომლებმა საგარეჯოს მუნიციპალიტეტის სოფელ ლამბალოს მკვიდრი 17 წლის გოგო მარნეულის მუნიციპალიტეტის სოფელ ჯანდარაში იპოვეს.

როგორც შსს-ში აცხადებენ, არასრულწლოვნის ჯანმრთელობას საფრთხე არ ემუქრება. მათივე ინფორმაციით, ამ დროისათვის მასთან ფსიქოლოგი მუშაობს, რის შემდეგაც ფსიქოლოგის და ადვოკატის თანდასწრებით მოხდება მისი გამოკითხვა.

მეთერთმეტეკლასელი გოგონა 12 ოქტომბერს, საკუთარი სახლიდან გაიტაცეს.