ლაშა ტალახაძე, გენო პეტრიაშვილი -ოლიმპიური ჩემპიონები ოლიგარქის პარტიის სიაში

ქართველი ძალოსანი ლაშა ტალახაძე და მოჭიდავე გენო პეტრიაშვილი „ქართული ოცნების“ საარჩევნო სიაში არიან.

ამის შესახებ დღეს „ქართული ოცნება – დემოკრატიული საქართველოს“ 2024 წლის საარჩევნო სიის პირველი ოცეულის წარდგენის ღონისძიებაზე გახდა ცნობილი.

ლაშა ტალახაძე სამგზის ოლიმპიური, შვიდგზის მსოფლიო და შვიდგზის ევროპის ჩემპიონია. ხოლო გენო პეტრიაშვილი 2024 წლის პარიზის ოლიმპიური თამაშების ჩემპიონი, ევროპის 2-გზის ჩემპიონი და 3-გზის მსოფლიოს ჩემპიონია.

სიის ოცეულში არიან სპორტსმენებიც – მე-7 ნომერი ლაშა ტალახაძე; მე-10 ნომერი კი გენო პეტრიაშვილი.
როგორც ცნობილია, 2024 წლის საპარლამენტო არჩევნები 26 ოქტომბერს გაიმართება.

ბიძინა ივანიშვილი ქართული ოცნების 2024 წლის საარჩევნო სიის სათავეშია