მნიშვნელოვანიპოლიტიკასაქართველოსიახლეები

მაიკ პომპეომ ყურადღება საარჩევნო და სასამართლო რეფორმებზე გაამახვილა

საარჩევნო და სასამართლო რეფორმების მნიშვნელობაზე ისაუბრა, ამერიკის სახელმწიფო მდივანმა მაიკ პომპეომ, გიორგი გახარიასთან და საგარეო საქმეთა მინისტრ, დავით ზალკანიანთან შეხვედრისას.

“სახელმწიფო მდივანი პომპეო პრემიერმინისტრ გახარიასა და საგარეო საქმეთა მინისტრ ზალკალიანს შეერთებული შტატების მიერ საქართველოს ევროატლანტიკური მისწრაფებების მხარდაჭერისა და ქვეყნის დემოკრატიული ინსტიტუტების გაძლიერების საკითხებზე სასაუბროდ შეხვდა. სახელმწიფო მდივანმა, ასევე, ყურადღება გაამახვილა საარჩევნო და სასამართლო რეფორმების მნიშვნელობაზე”, – ნათქვამია ამერიკის საელჩოს მიერ გავრცელებულ განცხადებაში.

ამ წუთებში კი აშშ-ს სახელმწიფო მდივანი მაიკ პომპეო საპატრიარქოში ილია მეორეს ხვდება.

მანამდე პომპეო პრეზიდენტ სალომე ზურაბიშვილს შეხვდა. შეხვედრა მედიისთვის დახურული იყო.

საპატრიარქოში ვიზიტის შემდეგ პომპეო არასამთავრობო ორგანიზაციების წარმომადგენლებს შეხვდება, რის შემდეგაც საქართველოს დატოვებს.

პარალელურად ოპოზიცია და აქტივისტები რამდენიმე ლოკაციაზე მდუმარე აქციას მართავენ.

პომპეო საქართველოს გუშინ, 17 ნოემბერს ეწვია.

მსგავსი პოსტები

Back to top button