მეტროპოლიტენში მოძრაობა აღდგა

თბილისის მეტროპოლიტენის სამი სადგური – „ვარკეთილი“, „სამგორი“ და „ისანი“, მუშაობის შეფერხების შემდეგ, მგზავრებს კვლავ ემსახურება.

თბილისის სატრანსპორტო კომპანიის განაცხადებით, მეტროპოლიტენის სამ სადგურზე მუშაობის შეჩერება სადგურ „სამგორზე“, საკონტაქტო რელსზე ძაბვის მიწოდების შეფერხებამ გამოიწვია. მეტროსადგურების გვირაბებიდან მგზავრების ევაკუაცია განხორციელდა.

09:55 საათიდან პირველ ხაზზე მატარებლები მოძრაობდნენ ზონურად – „ახმეტელის თეატრიდან“ „300 არაგველამდე“.