მნიშვნელოვანისაქართველოსიახლეები
ნათია თურნავა კორონავირუსისგან განიკურნა
ეკონომიკის მინისტრი ნათია თურნავა კორონავირუსისგან განიკურნა. ის ერთ-ერთია იმ 3 342 პაციენტს შორის, რომელიც ბოლო 24 საათში გამოჯანმრთელდა. ინფორმაციას სამინისტროს პრესსამსახური ავრცელებს.
ეკონომიკის მინისტრს კორონავირუსი 3 ნოემბერს დაუდასტურდა. ის სახლში მკურნალობდა. მანამდე, 2 ნოემბერს ვირუსი დაუდასტურდა საქართველოს პრემიერ-მინისტრს, გიორგი გახარიასაც. ვირუსისგან ისიც განიკურნა.
თებერვლიდან, როცა საქართველოში კორონავირუსით ინფიცირების პირველი ფაქტი დადასტურდა, სულ აღრიცხულია 73 154 შემთხვევა.
გასული დღე-ღამის განმავლობაში 3 342-ით გაიზარდა კორონავირუსისგან განკურნებულთა რიცხვი. სულ გამოჯანმრთელებულია 55 511.
ბოლო 24 საათში 37 პაციენტი გარდაიცვალა, რითაც საერთო მაჩვენებელი 636-მდე გაიზარდა.
