ოკუპირებულ ცხინვალში 17 კოვიდინფიცირებულია

ოკუპირებულ ცხინვალში დღეს კორონავირუსის ორი ახალი შემთხვევა გამოვლინდა და საერთო ჯამში, ინფიცირებულთა რაოდენობამ 17-ს მიაღწია.

ცხინვალის ე.წ. სანიტარული სამსახურის ხელმძღვანელი მარინა კოჩიევა აცხადებს, რომ ინფიცირებულთა მდგომარეობა დამაკმაყოფილებელია.

მისივე თქმით, პაციენტები ინფექციურ დაავადებათა საავადმყოფოში გადიან მკურნალობას.