გიგა ოთხოზორიას დედა მიიჩნევს, რომ მისი შვილის მკვლელობის საქმეზე გამოძიება სათანადოდ არ წარიმართა
ზუგდიდის რაიონის სოფელ ხურჩაში, საქართველოს მთავრობის მიერ კონტროლირებად ტერიტორიაზე მოკლული გიგა ოთხოზორიას დედა ჯულიეტა ჭანტურია მიიჩნევს, რომ მისი შვილის მკვლელობის საქმეზე გამოძიება სათანადოდ არ წარიმართა. როგორც რადიო ,,თბილისის“ თოქ-შოუ ,,აქტიურ დროში“ ჯულიეტა ჭანტურიამ განაცხადა, სასამართლო განჩინებაში კონკრეტურლად უნდა ჩაწერილიყო, რომ გიგა ოთხოზორიას შელაპარაკება ე.წ. მესაზღვრეებთან, მისი მხრიდან, თანამოქალაქის დაცვას მოჰყვა, რომელსაც ქართული პასპორტის გამო მიაყენეს შეურაცხყოფა.
ჯულიეტა ჭანტურიას თქმით, გამოძიების პროცესზე შეიძლება იმან იმოქმედა, რომ დროთა განმავლობაში, ხელისუფლების, ოპოზიციისა და საზოგადოების რეაქცია მკაფიო აღარ იყო.
მისი თქმით, არც ეს შემთხვევა და არც მანამდე მომხდარი ფაქტები, ხელისუფლებას საერთაშორისო დონეზე სათანადო სიმწვავით არ დაუყენებია.
,,ჩემი შვილის მკვლელობიდან, უკვე წელიწადი და ათი თვეა გასული, ამ ხსნის მანძილზე, არანაირი რეზოლუცია რომ არ მიღებულა, არის თუ არა ეს დაგვიანებული?“, – აღნიშნა გიგა ოთხოზორიას დედამ.
მოისმინეთ ჯულიეტა ჭანტურიას ხმა.
