დისტრიბუციის მანქანა ხობში ხიდიდან გადავარდა

ხობის მუნიციპალიტეტში, ფოთი-სენაკის ცენტრალურ მაგისტრალზე, სოფელ საგვიჩიოს და ჭალადიდის დამაკავშირებელ ხიდიდან კომპანია “თოლიას” დისტრიბუციის მანქანა გადავარდა.

სოფელ საგვიჩიოში მერის წარმომადგენლის ვახტანგ გოგოლაძის თქმით, მანქანა მოცურდა და ხიდიდან გადავიდა.

მისივე ინფორმაციით, შემთხვევის შედეგად ერთი პირი დაშავდა. იგი კონტაქტური იყო და მის სიცოცხლეს საფრთხე არ ემუქრება. მას არც ჰოსპიტალიზაცია დასჭირდა.