მნიშვნელოვანიმსოფლიოსიახლეები

რუსეთი დაღუპული ჯარისკაცების ცხედრების გაყვანაზე არ ზრუნავს

რუსული მხარე დაღუპულთა ცხედრებს ყურადღებას არ აქცევს, რაც უკრაინის ეკოლოგიას დიდ საფრთხეს უქმნის. ამის შესახებ სუმის რეგიონის ჯანდაცვის დეპარტამენტის ხელმძღვანელმა, ანატოლი კოტლიარმა განაცხადა.

მისი თქმით, რუსეთი დაღუპული ჯარისკაცების ცხედრების გაყვანაზე არ ზრუნავს.

„ისინი მეორე მხარეს არ სჭირდებათ. გარდაცვლილები არ მიჰყავთ. ისინი ჩვენთან რჩებიან, რაც საფრთხეს, უპირველეს ყოვლისა, ეკოლოგიურ საფრთხეს წარმოადგენს”, – აღნიშნა კოტლიარმა.

მისი თქმით, უსაბუთო ცხედრების იდენტიფიცირება რთულია.

უკრაინული მედიის ცნობით, რუსი მებრძოლების გვამების შესანახად 10 მაცივარია შეკვეთილი, თუმცა ზოგიერთი სარკინიგზო ხაზის გადაკეტვის გამო ისინი ჯერ არ მიუტანიათ. ცხედრების უმეტესობა რუსეთს ბელარუსში გადააქვს, სადაც ვაგონებში ათავსებენ და რკინიგზით სახლში აგზავნიან.

ჩერნიგოვის მერის, ვლადისლავ ატროშენკოს განცხადებით, ჩრდილოეთ უკრაინის სასაფლაო დაღუპულების რაოდენობას ვერ იტევს. ვლადისლავ ატროშენკოს მიერ გავრცელებულ ვიდეოში ჩანს დაზიანებული შენობები და ქუჩები კვამლში გახვეული ნაგებობები.

“საქალაქო სასაფლაო ვერ იტევს ყველა მიცვალებულს, ამიტომ ჩვენ ადამიანებს ჩვეულებრივზე მეტ ხანს ვტოვებთ პროზექტურაში და მაცივრებში. ჩვენ ვმარხავთ ხალხს ძველ სასაფლაოებზე, რომლებიც დიდი ხანია არავის გამოუყენებია”, – აცხადებს ატროშენკო ვიდეოში, რომლის დროსაც ის ავტომობილით დენისენკოს ქუჩებში გადაადგილდება.

მერის განცხადებით, ზუსტი ციფრები და სტატისტიკა გარდაცვლილთა შესახებ ჯერჯერობით ცნობილი არ არის და ამ შემთხვევებს პროკურატურა სწავლობს.

მსგავსი პოსტები

Back to top button