ევროპარლამენტის პრეზიდენტმა ევროპარლამენტის არჩევნებში ხმა მისცა
ევროპარლამენტის პრეზიდენტმა ევროპარლამენტის არჩევნებში ხმა მისცა.
„მოვალეობა შესრულებულია. ახლახან 2024 წლის ევროპარლამენტის არჩევნებში ხმა მივეცი. გამოიყენეთ თქვენი ხმა, თორემ თქვენს ნაცვლად სხვები გადაწყვეტენ“, – წერს რობერტა მეცოლა X-ზე.
მალტის გარდა დღეს ევროპარლამენტის არჩევნები ლატვიაში, იტალიასა და სლოვაკეთშიც მიმდინარეობს, სადაც პრემიერ-მინისტრმა, რობერტ ფიცომ არჩევანი საავადმყოფოდან გააკეთა.
„ჩვენ ხმა ევროპელ დეპუტატებს უნდა მივცეთ, რომლებიც მხარს სამშვიდობო ინიციატივებს დაუჭერენ და არა ომის გაგრძელებას“, – წერს სლოვაკეთის პრემიერ-მინისტრი.
ცნობისთვის, რამდენიმე დღის წინ, რობერტ ფიცომ, რომელსაც 15 მაისს ცეცხლსასროლი იარაღიდან ესროლეს, პირველი ვიდეო მიმართვა გაავრცელა და აღნიშნა, რომ ივნისის ბოლოდან ან ივლისის დასაწყისიდან სამსახურებრივი მოვალეობის შესრულებას გააგრძელებს.
შეგახსენებთ ევროკავშირის ქვეყნებში ევროპარლამენტის არჩევნები მიმდინარეობს. დღეს ჯერი იტალიასა და სლოვაკეთზეა, სადაც წინასწარი გამოკითხვებით ულტრამემარჯვენე პარტიები ლიდერობენ.
ამავე იდეოლოგიის პარტიამ ნიდერლანდებიდან გუშინდელი ეგზიტპოლებით მნიშვნელოვან შედეგს მიაღწია. თუმცა მათზე წინ არიან მემარცხენეთა და მწვანეთა კოალიცია.
ხვალ არჩევნები უკვე საფრანგეთში,საბერძნეთში და კიდევ რამდენიმე სახელმწიფოში ჩატარდება. პროცესი 6 დან 9 ივნისამდე ევროპული გაერთიანების 27 ქვეყანაში მიმდინარეობს.
საბერძნეთის პრემიერ-მინისტრი კირიაკოს მიცოტაკისი აცხადებს, რომ ევროკავშირის არჩევნები ორმაგი მნიშვნელობისაა.
“ევროკავშირის არჩევნები ორმაგი მნიშვნელობისაა, რადგან ის გადაწყვეტს ევროპის ძირითად მიზნებს, რაც ჩვენს ცხოვრებასა და პრიორიტეტებზე აისახება. ჩვენ უნდა ავირჩიოთ ევროპარლამენტში ის წევრები, რომლებიც გააძლიერებენ ჩვენი ქვეყნის ხმას ბრიუსელსა და სტრასბურგში. ჩვენ ვიცით, რომ ფასები გაზრდილია,განსაკუთრებით კი საკვებზე და ბოლო პოზიტიური მაჩვენებელის მიუხედავადაც,დამაკმაოფილებელი არაფერია – რადგან გრძელვადიანი მიზანი გვაქვს. სანამ არ გავიმარჯვებთ, არ შევწყვეტთ ჩვენი საზოგადოების ყველაზე მოწყვლადი ნაწილის მხარდაჭერას,”- აცხადებს საბერძნეთის პრემიერი.
ოპოზიციური პარტიის წარმომადგენელი სტეფანოს კასელაკისის თქმით, ევროპარლამენტი ერთადერთი დემოკრატოიულად არჩეული ისნტიტუციაა.
“როგორ მივედით ულტრა მემარჯვენეთა აფეთქებამდე ევროპაში? ბევრი კომპლექსური მიზეზია. პირამიდის წვერზე კი ევროპის სახალსო პარტია დგას, რომელმაც ევროკავშირი ბრიუსელის დახურულ კლუბად აქცია. ამ კლუბში ნეოლიბერალიზმის მუსიკა იმდენად ხმამაღლა ჟღერს,რომ ბატონი მიცოტაკისის პოლიტიკურ ნათესავებს ევროპელი ხალხის საჭიროებების აღარ ესმით. ჩვენ გვსურს ევროკავშირი, სადაც ევროპარლამენტი ერთადერთი დემოკრატოიულად არჩეული ისნტიტუციაა, ძლიერია სტრატეგიული ავტონომია, ევროპული კავშირები და ეროპული თავდაცვა,”- აცხადებს სტეფაონს კასელაკისი.
