რეგიონის მედპერსონალის გადამზადება დაიწყო

რეგიონული სასწრაფო სამედიცინო დახმარების ცენტრმა, ეროვნული სასწავლო ცენტრის ბაზაზე, მედპერსონალის გადამზადება დაიწყო. სასწრაფოს ექიმებს საშუალება ეძლევათ განახლებულ სასწავლო ცენტრში გაიარონ მომზადების სასწავლო კურსი, რომელიც თეორიული და პრაქტიკული ნაწილისგან შედგება.ექიმები ტრავმული პაციენტის მართვისა და სტაბილიზაციის საკითხებში გადამზადდებიან. პირველ ეტაპზე, გადამზადებას გადაუდებელ დახმარებაში სამეგრელოსა და სამცხე-ჯავახეთის რეგიონის სასწრაფო დახმარების 15 ექიმი გაივლის. ერთი წლის განმავლობაში კი სულ 850 ექიმი, ამდენივე ექთანი და მძღოლი გადამზადდება.

სამედიცინო სფეროში არსებული სიახლეების გაცნობისა და პროფესიული უნარების განვითარების მიზნით, სასწრაფო დახმარების ეკიპაჟის წევრები ყოველ ორ წელში ერთხელ გადამზადდება. ტრენინგები რეგიონული სასწრაფო სამედიცინო დახმარების ცენტრის ორგანიზებით, ეროვნული სასწავლო ცენტრის ბაზაზე გაიმართება.

სასწრაფო სამედიცინო დახმარების ცენტრის უფროსი ამირან გოგიტიძის კომენტარი.

მსგავსი პოსტები

Back to top button