რუსეთ-უკრაინის ომის ფრონტზე 20-ზე მეტი სამხედრო შეტაკება მოხდა

ბოლო 24 საათის განმავლობაში, რუსეთ-უკრაინის ომის ფრონტზე 20-ზე მეტი სამხედრო შეტაკება მოხდა. უკრაინის გენშტაბის მიერ გავრცელებულ ინფორმაციაზე დაყრდნობით, გამოცემა „უკრაინსკაია პრავდა“ წერს, რომ რუსეთის არმიამ განახორციელა 5 სარაკეტო და 57 საჰაერო დარტყმა, ერთი ადამიანი დაიღუპა და სამი დაიჭრა მას შემდეგ, რაც რუსეთის არმიამ, ბოლო 24 საათის განმავლობაში, ხერსონის რაიონი 83 – ჯერ დაბომბა.
“რუსი ოკუპანტები აგრძელებენ საერთაშორისო ჰუმანიტარული სამართლის იგნორირებას და ბომბავენ არა მხოლოდ უკრაინის ჯარების პოზიციებს, არამედ დასახლებული ტერიტორიების სამოქალაქო ინფრასტრუქტურას, ატერორებენ მშვიდობიან მოსახლეობას. გუშინ რუსეთის ფედერაციამ უკრაინას “შაჰიდის” ტიპის კამიკაძე დრონებით დაარტყა. საბრძოლო მოქმედებების შედეგად, საჰაერო თავდაცვამ 15 “შაჰიდიდან” 14 გაანადგურა,” – ნათქვამია გენშტაბის დილის ანგარიშში.

უკრაინის ძალები აგრძელებენ თავდაცვას უკრაინის აღმოსავლეთით და სამხრეთით. შეტევითი ოპერაციები მიდის მელიტოპოლის და ბახმუტის მიმართულებით. საჰაერო დარტყმები ამჯერადაც ხარკოვის, ლუგანსკის, დონეცკის, ზაპოროჟიესა და ხერსონის ოლქების მიმართულებით განხორციელდა.
ისინი ეტაპობრივად ათავისუფლებენ დროებით ოკუპირებულ ტერიტორიებს. გენშტაბის ინფორმაციითვე, უკრაინის 70-ზე მეტი დასახლება საარტილერიო ცეცხლის ქვეშ იყო. მათ შორის, ჩერნიგოვის, სუმის, ხარკოვის, ლუგანსკის, დონეცკის, ზაპორიჟიესა და ხერსონის ოლქები.

“გასული დღის განმავლობაში, უკრაინის თავდაცვის ძალებმა, საჰაერო დარტყმა განახორციელა 9 პერსონალის, იარაღისა და სამხედრო ტექნიკის კონცენტრაციის ადგილებში, 7 კი მტრის საჰაერო სარაკეტო კომპლექსებზე. სარაკეტო ჯარების ნაწილებმა დააზარალა, სამხედრო ტექნიკის ფოკუსირების 1 არეალი, 1 საჰაერო-სადესანტო სარაკეტო კომპლექსი, 8 საარტილერიო მოწყობილობა და 1 მტრის რადიოსადგური. მტრის სავარაუდო დანაკარგები, გასულ დღეს იყო: 390 ოკუპანტი, 7 ტანკი, 2 ჯავშანმანქანა, 23 საარტილერიო სისტემა, 1 თავდაცვის მოწყობილობა, 18 მანქანა და 2 სპეციალური ტექნიკის ერთეული”, – აცხადებს უკრაინის შეიარაღებული ძალების გენერალური შტაბის დირექტორი პეტრო გასაი.

​უკრაინის გენერალური შტაბი რუსი ოკუპანტების სამხედრო დანაკარგების შესახებ ინფორმაციას ავრცელებს. მონაცემები 2022 წლის 24 თებერვლიდან დღემდე, 24 სექტემბრამდე, არსებულ ინფორმაციას მოიცავს.

უწყების ცნობით, მხოლოდ ბოლო 24 საათის განმავლობაში, თავდაცვის ძალებმა გაანადგურეს დაახლოებით 390 სამხედრო, 7 ტანკი და 2 ჯავშანტექნიკა.

რუსეთის შეიარაღებული ძალების საერთო დანაკარგები კი ასეთია:

ჯარისკაცი – დაახლოებით 275 850
ტანკი – 4 662
ჯავშანტექნიკა – 8 914
საარტილერიო სისტემა – 6 233
სარაკეტო სისტემა – 789
საზენიტო საბრძოლო სისტემა – 531
თვითმფრინავები – 315
ვერტმფრენი – 316
ოპერატიულ-ტაქტიკური უპილოტო საფრენი აპარატი – 4 888
საკრუიზო რაკეტები – 1 518
საავტომობილო ტექნიკა და საწვავის ავზები – 8 734
გემი/ნავი/კატარღა – 20
წყალქვეშა ნავი – 1
​სპეციალური აღჭურვილობა – 914.
​