“რუსთავი2”-ის წინააღმდეგ სარჩელი წარმოებაშია მიღებული

თბილისის საქალაქო სასამართლომ სამაუწყებლო კომპანია “რუსთავი 2”-ის წინააღმდეგ სარჩელი წარმოებაში მიღო. 

ბიზნესმენმა და “რუსთავი2”-ის ყოფილმა მფლობელმა ქიბარ ხალვაშმა სასამართლოს წილის დაბრუნების მოთხოვნით რამდნეიმე დღის წინ მიმართა. მოსამართლემ ბიზნესმენის საჩივრის საფუძველზე ტელეკომპანიის ქონებას ყადაღა დაადო.

“ჯერჯერობით უცნობია როდის გაიმართება მოსამზადებელი სხდომა” -იუწყება “რუსთავი2”.

სამამართლოს ობიექტურობის იმედი აქვთ კიდევ 2 ყოფილ დამფუძნებელს ჯარჯი აქიმიძესა და დავით დვალს, რომლებმაც  მიმდინარე მოვლენებზე განცხადება 9 აგვისტოს გაავრცელეს. 

არხის გენერალური დირექტორი ნიკა გვარამია კი მიიჩნევს, რომ ყოფილი დამფუძნებლების მოთხოვნები ხანდაზმულია და მართვადი სახელისუფლებო სტრუქტურებისგან. 

დღეს საქართველოს ახალგაზრდა იურისტთა ასოციაცია ტელეკომპანია რუსთავი 2-ის გარშემო მიმდინარე მოვლენებს  სპეციალური განცხადებით გამოეხმაურა:

” მიგვაჩნია, რომ “რუსთავი 2”-ის ირგვლივ მიმდინარე სამართლებრივი დავა უნდა წარიმართოს საჯაროობისა და გამჭვირვალობის ყველაზე მაღალი სტანდარტის დაცვით, რასაც ითვალისწინებს ქვეყანაში მოქმედი კანონმდებლობა და საერთაშორისო პრაქტიკა.

“რუსთავი 2”-ის იურისტის თამთა მურადაშვილის განმარტებით, განჩინებაში კარგად არ ჩანს რა იყო მხარის სასარჩელო  მოთხოვნა, რას ეფუძნებოდა მისი ვარაუდი, რომ აუცილებელი გახდა ქონების დაყადაღება ამგვარი წესით.