საქართველოს ნაკრებმა 7 საფეხურით წინ წაიწია. ფიფამ ახალი რეიტინგი გამოაქვეყნა
მსოფლიო ფეხბურთის საგანმგებლო ორგანომ ახალი სანაკრებო რეიტინგები გამოაქვეყნა.
ახალი მონაცემების თანახმად, საქართველოს ნაკრები ფიფას რეიტინგში 7 საფეხურით დაწინაურდა.
ამ დრომდე ეროვნულო გუნდი 93-ე ადგილზე იყო,ახლა კი 1269 ქულით 86-ე პოზიციაზე გადაინაცვლა.
ქვეყნის ნაკრების ყველაზე დიდი მიღწევა 42 -ე ადგილი იყო,ყველაზე ცუდად კი ქართველი ფეხბურთელები მაშინ გამოიყურებოდნენ, როცა ფიფას რეიტინგში 156-ე პოზიცია ეკავათ.
სანიოლის გაწვრთნილების გამორჩევა ნოემბრის მატჩებმა განაპირობა.
ცნობილია,რომ ეროვნულმა ნაკრებმა მსოფლიო ჩემპიონატის შესარჩევი ციკლის ბოლო 2 მატჩში ჯერ გასვლაზე,კოსოვო ანგარიშით 2:0 დაამარცხა და შინ შვედეთს 2:0 მოუგო.ტესტ-მატჩში კი უზბეკეთს მიზერული სხვაობით, 1:0 სძლია.
ჩვენს წინ 85-ზე სირიაა, 84- ზე ბენინი და 83-ე ადგილზე – უგანდა.
საქართველოს ეროვნული ნაკრების მდევრები არიან:ჰაიტი,ზამბია,გაბონი და ბაჰრეინი.
შეგახსენებთ, რომ ვილი სანიოლის შეგირდებს მომდევნო მატჩი 2022 წლის მარტში აქვთ დაგეგმილი.