საქართველოს ნაკრებმა გიბრალტარი დაამარცხა

8 ოქტომბერს, საქართველოს ნაკრებმა ფეხბურთში ევრო 2016-ის შესარჩევი ციკლის ბოლოსწინა მატჩი ითამაშა, გიბრალტარს უმასპინძლა და 4:0 მოუგო.

30-ე წუთზე ნიკა კვეკვესკირის დიდებული პასით ანგარიში მათე ვაწაძემ გახსნა.

34-ე წუთზე გიბრალტარელმა ხელით ითამაშა და მსაჯმა პენალტი დანიშნა, რომელიც თორნიკე ოქრიაშვილმა გოლად აქცია – 2:0.

45-ე წუთზე სანდრო კობახიძის ჩაწოდებას თავურით მათე ვაწაძე გამოეხმაურა, მან დუბლი შეასრულა – 3:0.

87-ე წუთზე ვაკო ყაზაიშვილმა ინდივიდუალური რეიდი საჯარიმოს მისადგომიდან შედეგიანი დარტყმით დაასრულა – 4:0.

საქართველო-გიბრალტარი 4:0
გოლები: 1:0 ვაწაძე (30), 2:0 ოქრიაშვილი (35), 3:0 ვაწაძე (45), 4:0 ყაზაიშვილი (87)
საქართველო: რევიშვილი, კაკაბაძე, კაშია, ამისულაშვილი, გრიგალავა, კანკავა (კაპ) (57. ფალავანდიშვილი), კვეკვესკირი, ოქრიაშვილი (58. ძალამიძე), ყაზაიშვილი, კობახიძე – ვაწაძე (73. ცხადაძე).

საქართველოს ნაკრები 9 მატჩიდან 9 ქულით მეხუთე ადგილზეა. შესარჩევი ციკლის ბოლო მატჩს კახა ცხადაძის გუნდი 11 ოქტომბერს გამართავს, მსოფლიოს ჩემპიონ გერმანიას ესტუმრება.