სევეროდონეცკი მუდმივი თავდასხმის ქვეშ არის
![](https://heretifm.com/wp-content/uploads/2022/03/omi-xarkovi-kharkov-omi-ukraina-780x470.jpg)
აღმოსავლეთ ლუჰანსკის რეგიონი ქალაქი სევეროდონეცკი რუსებისთვის ისევ მთავარი სამიზნეა ოლქის გუბერნატორი, სერგეი გაიდაი ამბობს, რომ მთელი რეგიონი უწყვეტი დაბომბვის ქვეშაა, მტერი საჰაერო ძალებს, არტილერიასა და ტანკებს იყენებს.
როგორც უკრაინის გენერალური შტაბი ამბობს, სევეროდონეცკის დასავლეთით, დაახლოებით 60 კილომეტრში, ლიმანის რეგიონში, რუსეთი გადაჯგუფების პროცესშია და შეტევისთვის ემზადება.
უკრაინის გენშტაბის თქმით, დაძაბული ვითარებაა ასევე დონეცკის რეგიონში, სამხრეთ-დასავლეთ ნაწილში, სადაც რუსული ძალები ნაღმტყორცნებს, საარტილერიო და სარაკეტო იარაღს იყენებენ.
ნორვეგიის ლტოლვილთა საბჭოს განცხადებით კი, ქალაქ სევეროდონეცკში შეტაკებისას ათასობით ადამიანი დაიჭირეს, რომლებსაც დახმარება სჭირდებათ. ლტოლვილთა სააგენტოს თქმით, ქალაქში 12 000-მდე მშვიდობიანი მოქალაქე რჩება.
ლტოლვილთა საბჭოს გენერალური მდივნის, იან ეგელანდის თქმით, სევეროდონეცკი, სადაც ლტოლვილთა სააგენტოს ოპერატიული შტაბი ჰქონდა, უკრაინაში სასტიკი ომის კიდევ ერთი ეპიცენტრი გახდა.
“ჩვენ ვშიშობთ, რომ ქალაქში, ცეცხლსასროლი იარაღის ქვეშ, წყლის, საკვების, მედიკამენტების და ელექტროენერგიის გარეშე 12 000-მდე მშვიდობიანი მოქალაქე რჩება. მუდმივი დაბომბვა მოქალაქეებს თავშესაფრებისა და სარდაფების ძებნას აიძულებს,” – განაცხადა ნორვეგიის ლტოლვილთა საბჭოს გენერალურმა მდივანმა.
ლტოლვილთა სააგენტო აცხადებს, რომ დაუყოვნებლივ უნდა მოხდეს იმ მშვიდობიანი მოქალაქეების ევაკუაცია, რომლებსაც ქალაქიდან გასვლა სურთ.