შოტლანდიამ ქარის წყალობით დიდძალი ელექტროენერგია გამოიმუშავა [Video]
![](https://heretifm.com/wp-content/uploads/2016/08/GP10290851.jpg)
შოტლანდიელმა ენერგეტიკოსებმა ქარის მეშვეობით ელექტროენერგია გამოიმუშავეს, რომელმაც ერთი დღის განმავლობაში მთელი ქვეყანა დენით სრულად უზრუნველყო, – განაცხადა ველური ბუნების მსოფლიო ფონდის შოტლანდიური განყოფილების დირექტორმა ლონგ ბენქსმა.
შოტლანდიის თავზე ციკლონის გადავლის შედეგად, რომელსაც ძლიერი ქარი მოჰყვა, 2016 წლის 7 აგვისტოს ქარის ტურბინებმა 106% ელექტროენერგია გამოიმუშავა და ქვეყნის ყველა საცხოვრებელი სახლი და ოფისი დენით უზრუნველყო.
7 აგვისტოს შოტლანდიამ მხოლოდ 37,202 მეგავატ-საათი ელექტროენერგია მოიხმარა იმ დროს, როცა ტურბინებმა 24 საათის განმავლობაში 39,545 მეგავატ-საათი გამოიმუშავა.
“მართალია, კვირას ამინდმა ბევრ მოქალაქეს უხერხულობა შეუქმნა, მაგრამ ქარის ტურბინების ასამუშავებლად კარგი დღე იყო”, – დასძინა ბენქსმა.
მისი თქმით, ელექტროენერგიის ეკოლოგიური წარმოება მთავრობის დიდი მხარდაჭერის წყალობით გახდა შესაძლებელი და შოტლანდიის ხელისუფლებას აღნიშნული პროექტის გაგრძელებისკენ მოუწოდა.