რეგიონისაქართველოსიახლეები
სპეცრეისი ერბილი-ბათუმი
დღეს ბათუმის აეროპორტში ერაყში გარდაცვლილ 39 წლის გენადი ცენტერაძეს ჩამოასვენებენ. იგი დაახლოებით ერთი თვის წინ ერაყში გულის შეტევით გარდაიცვალა. მას შემდეგ, ოჯახი გადმოსვენების პროცედურებში დახმარებას ითხოვდა.
ცხედარის გადმოსვენება თურქული მხარის გამო ჭიანურდებოდა, რომელსაც მესამე ქვეყნებთან საზღვრები დაკეტილი აქვს. საქართველოს საგარეო საქმეთა სამინისტროსა და აჭარის მთავრობის შუამდგომლობით, თურქეთთან მოლაპარაკება შედგა და მან გამონაკლისი დაუშვა.
გენადი ცენტერაძის გადმოსვენება იმ სპეცრეისით მოხდება, რომელიც ერბილიდან ბათუმის მიმართულებით განხორციელდება. თვითმფრინავი ბათუმის აეროპორტში 14:00 საათზე დაეშვება.
აღნიშნული სპეცრეისით, ერაყში მცხოვრები საქართველოს 70 მოქალაქეც დაბრუნდება, რომლებიც პანდემიის გამო ჩამოსვლას ვერ ახერხებდნენ.
