მნიშვნელოვანირეგიონისიახლეები

თელავსა და გურჯაანში საბავშვო ბაღები 1 დეკემბრამდე ვერ გაიხსნება

თელავსა და გურჯაანში საბავშვო ბაღები 1 დეკემბრამდე ვერ გაიხსნება.
კოვიდ- 19- ის ყოველდღიური შემთხვევებისა და მძიმე ეპიდემიოლოგიური ვითარების გამო, სააღმზრდელო დაწესებულებები ოქტომბრის ბოლოსათვის დაიკეტა.

გურჯაანის სააღმზრდელო დაწესებულებების გაერთიანების დირექტორის, ლელა თევდორაშვილის განმარტებით, ამ ეტაპზე ბაღების გახსნა ჯერ კიდევ საფრთხის შემცველია.

” ჯერჯერობით, ბაღებს ვერ გავხსნით, რადგან ეპიდემიოლოგიური ვითარება ამის საშუალებას არ იძლევა. ნოემბრის ბოლოსათვის თანამშრომლები გამოცხადდებიან, ტესტირებას ჩავატარებთ, მოვახდენთ შენობების დამუშავებას და რაც ყველაზე მთავარია, თანამშრომლების ნახევარი იქნება ვაქცინირებული. ვფიქრობთ, რომ 1 დეკემბრისთვის სააღმზრდელო პროცესს განვაახლებთ” -განაცხადა თევდორაშვილმა.

1 დეკემბრამდე ვერ გაიხსნება საბავშვო ბაღები თელავის მუნიციპალიტეტშიც.
ცალკეული ჯგუფები და ბაღებია დაკეტილი ლაგოდეხის მუნიციპალიტეტში.
სპეციალისტების განმარტებით, სკოლამდელი ასაკის ბავშვების უმრავლესობა, აუცრელი ოჯახის წევრებისა და პედაგოგებისგან დაინფიცირდა.

მსგავსი პოსტები

Back to top button