მსოფლიო
ბრიტანული დაზვერვა: ხარკოვის ოლქიდან გაქცეული რუსი სამხედროების ნაწილი პანიკაში იყო
დიდი ბრიტანეთის სამხედრო დაზვერვის მონაცემებით, უკრაინელი სამხედროები განაგრძობენ კონტროლის გამყარებას ხარკოვის ოლქის გათავისუფლებულ რაიონებში. გაერთიანებული სამეფოს თავდაცვის სამინისტრო დაზვერვის ინფორმაციაზე დაყრდნობით წერს, რომ რუსეთმა ჯარი გაიყვანა ძირითადად, მდინარე ოსკოლის დასავლეთით მდებარე რაიონიდან.
დიდი ბრიტანეთის თავდაცვის სამინისტროს თანახმად, ბოლო ერთი კვირის განმავლობაში, რუსეთის ქვედანაყოფების ნაწილმა ხარკოვის ოლქი კარგად ორგანიზებულად დატოვა, ნაწილი კი – აშკარად პანიკაში მყოფი გაიქცა. ბრიტანული დაზვერვის შეფასებით, ხარკოვის ოლქიდან რუსი სამხედროების ნაწილის არაორგანიზებულ და უკონტროლო გასვლას ადასტურებს ის ფაქტი, რომ მათ დატოვეს ზოგიერთი ძვირადღირებული ტექნიკა.
