მნიშვნელოვანიმსოფლიოსიახლეები

რუსეთის ოპერაციების საერთო ტემპი უკრაინაში მცირდება

რუსეთის ჯარმა და "ვაგნერმა" 2022 წლის მაისიდან ბახმუტისთვის ბრძოლაში უზარმაზარი დანაკარგი განიცადა

რუსეთის ოპერაციების საერთო ტემპი უკრაინაში, როგორც ჩანს, წინა კვირებთან შედარებით შემცირდა – ამის შესახებ “ომის შემსწავლელი ინსტიტუტი” (ISW) ბოლო განახლებაში წერს.

ISW-ის ცნობით, ტავრიისკის [რედ. ქალაქი ხერსონის ოლქში]თავდაცვის ძალების უკრაინის ერთობლივი პრესცენტრის სპიკერმა, პოლკოვნიკმა ოლექსი დმიტრაშკოვსკიმ 15 მარტს განაცხადა, რომ რუსეთის შეტევითი მოქმედებები მნიშვნელოვნად შემცირდა ბოლო ერთი კვირის განმავლობაში.

მისი თქმით, თუ ადრე ოკუპანტები დღეში 90-დან 100 შეტევამდე ახორციელდებდნენ. ბოლო ერთ კვირაში ეს მაჩვენებელი 20-დან 29-მდე მერყეობს. დმიტრაშკოვსკი იტყობინება, რომ რუსეთის ძალებმა გარკვეულწილად დაკარგეს შეტევითი პოტენციალი რაც თავის მხრივ გამოწვეული ცოცხალი ძალისა და აღჭურვილობის მნიშვნელოვანი დანაკარგით.

ანალიტიკოსები აღნიშნავენ, რომ დმიტრაშკოვსკის განცხადებები შეესაბამება ISW-ის ზოგად დაკვირვებას რუსეთის ოპერაციების ტემპთან დაკავშირებით უკრაინაში ფრონტის მთელ ხაზზე. ექსპერტების აზრით, რუსეთის შეტევითი ოპერაცია ლუგანსკის ოლქში, სავარაუდოდ, კულმინაციას უახლოვდება, თუ ის ჯერ არ დასრულებულა.

განცხადების თანახმად, ბოლო ერთი კვირის განმავლობაში რუსეთის ძალებმა მიაღწიეს მხოლოდ მინიმალურ ტაქტიკურ წარმატებას ლუგანსკის ოლქის ფრონტის ხაზზე და უკრაინულმა ძალებმა, სავარაუდოდ, ახლახან მოახერხეს კონტრშეტევების განხორციელება და ტერიტორიის დაბრუნება ლუგანსკის ოლქში.

ოკუპანტების ოპერაციების შემცირებასთან ერთად უკრაინული მედიის ცნობით, ეუთოში ბრიტანეთის დელეგაციის უფროსმა სამხედრო მრჩეველმა განაცხადა, რომ რუსეთის ჯარმა და “ვაგნერმა” 2022 წლის მაისიდან ბახმუტისთვის ბრძოლაში უზარმაზარი დანაკარგი განიცადა.

იან სტაბსის თქმით, დაღუპული და დაჭრილია 20 000-დან 30 000-მდე სამხედრო.

“გასული კვირის განმავლობაში ჩვენ ვნახეთ ინტენსიური ბრძოლები, როცა რუსეთის ფედერაცია აგრძელებს შეტევას დონბასში.

რუსეთი ძალიან დიდ ზარალს განიცდის. გასული მაისიდან მხოლოდ ბახმუტის რაიონში 20 000-დან 30 000-მდე ვაგნერის ჯარისკაცი და რეგულარული რუსი ჯარისკაცი დაიღუპა და დაიჭრა – ეს არის უზარმაზარი ადამიანური დანაკარგები, რომელთა საერთო წინსვლა დაახლოებით 25 კილომეტრია”, – თქვა მან ვენაში უსაფრთხოების თანამშრომლობის ფორუმის შეხვედრის დროს.

ბრიტანელი სამხედრო დიპლომატის თქმით, ეს ნიშნავს, რომ “ყოველ გავლილ კილომეტრზე 800-ზე მეტი რუსი ჯარისკაცია მოკლული ან დაჭრილი, მათი დიდი უმრავლესობა ვაგნერის მებრძოლია”.

ამის გათვალისწინებით, მისი თქმით, “ვაგნერის” ხელმძღვანელის, ევგენი პრიგოჟინისთვის სულ უფრო რთული ხდება ცოცხალი ძალის შევსება. სტაბსმა აღნიშნა, რომ როგორ ჩანს, რუსეთს ეწურება რაკეტების რაოდენობაც და დიდია აღჭურვილობის ზარალი.

მისი თქმით, რუსეთის სამხედრო სარდლობა ავლენს კომპეტენციის საოცარ ნაკლებობას და ხარჯავს სტრატეგიულ რესურსებს მცირე ტაქტიკური გამარჯვებების მისაღწევად – “ყველა ხედავს სიმართლეს: რუსეთის სამხედრო და თავდაცვის მრეწველობა უკრაინაში წარუმატებელია”.

მსგავსი პოსტები

Back to top button