“საჯარო სკოლებში სპორტული წრეები ამოქმედდება”
საქართველოს მთავრობა ჯანსაღი ცხოვრების აქტუალიზაციას იწყებს.
განათლებისა და სპორტის სამინისტროები, სპორტულ ფედერაციებთან ერთად, სკოლებს შესაბამის პროგრამას შესთავაზებენ, რათა ჯანსაღი ცხოვრების წესი ახალგაზრდებისთვის ცხოვრების ნაწილად იქცეს.
ახალი სამთავრობო ინიციატივა პრემიერმა საზოგადოებას ისანში, 103-ე საჯარო სკოლის განახლებული შენობის გახსნისას გააცნო.
სკოლის გახსნის საზეიმო ღონისძიების ფარგლებში, სკოლის ადმინისტრაციასა და ფრენბურთის ფედერაციას შორის თანამშრომლობის შესახებ მემორანდუმი გაფორმდა.
