მნიშვნელოვანიმსოფლიოსიახლეები

პრეზიდენტმა ვოლოდიმირ ზელენსკიმ მოსკოვს ულტიმატუმი წაუყენა

უკრაინის პრეზიდენტმა ვოლოდიმირ ზელენსკიმ საინფორმაციო სააგენტო „როიტერსთან“ ექსკლუზიურ ინტერვიუში განაცხადა, რომ მხარს დაუჭერს უკრაინის გავლით რუსული ამიაკის ექსპორტს, თუ ოფიციალური მოსკოვი უკრაინელ სამხედრო ტყვეებს გადასცემს.

„მე წინააღმდეგი ვარ ჩვენი ტერიტორიის გავლით რუსეთის ფედერაციიდან ამიაკის მიწოდების. ამას გავაკეთებდი მხოლოდ ჩვენი ტყვეების სანაცვლოდ. ეს არის ის, რაც მე შევთავაზე გაეროს”, – განაცხადა უკრაინის პირველმა პირმა.

Reuters წერს, რომ ზელენსკის შეთავაზებაზე კრემლის პასუხი უარყოფითია. საერთაშორისო გამოცემა რუსულ სააგენტო Tass-ზე დაყრდნობით წერს, რომ კრემლის სპიკერმა დიმიტრი პესკოვმა უარყო ეს იდეა,
„ადამიანები და ამიაკი ერთი და იგივეა?” – განაცხადა კრემლის პრესსპიკერმა, რომლის კომენტარსაც რუსული საინფორმაციო სააგენტო TASS ავრცელებს.

ცნობისთვის, გაერთიანებული ერების ორგანიზაციამ უკრაინას უთხრა, რომ რუსული სასუქების მწარმოებელი Uralchem-ის საკუთრებაში არსებული ამიაკი მილსადენით გადაიტანოს უკრაინის საზღვარზე, სადაც მას აშშ-ში მოქმედი სასაქონლო მოვაჭრე Trammo შეისყიდის. მილსადენი განკუთვნილია წელიწადში 2,5 მილიონ ტონამდე ამიაკის გადასატანად რუსეთის ვოლგის რეგიონიდან უკრაინის შავი ზღვის პორტ პივდენიში, ოდესასთან ახლოს. ის დაიხურა 24 თებერვალს, მას შემდეგ, რაც რუსეთმა თავისი ჯარები უკრაინაში გაგზავნა.

მსგავსი პოსტები

Back to top button