თბილისში საცხოვრებელ სახლში აფეთქება მოხდა

თბილისში, ბესიკის ქუჩაზე მდებარე ერთ-ერთი საცხოვრებელი სახლის მეორე სართულზე აფეთქება მოხდა. საგანგებო სიტუაციების მართვის სამსახურის ცნობით, აფეთქების შედეგად არავინ დაშავებულა.

წინასწარი ინფორმაციით, აფეთქება ბუნებრივმა აირმა გამოიწვია. ჩამოშლილია საცხოვრებელი სახლის წინა ფასადის კედელი.

შემთხვევის ადგილზე მობილიზებულია 3 სახანძრო-სამაშველო ჯგუფი.