თეთრ სახლთან ექთნების საპროტესტო აქცია გაიმართა. აქციის მონაწილეები ადგილობრივ და ფედერალურ ხელისუფლებას „კოვიდ-19“-ის პანდემიასთან მებრძოლი სამედიცინო პერსონალის დამცავი საშუალებებით მომარაგებისკენ მოუწოდებდნენ.
„თუ ხელისუფლება ჩვენ არ დაგვიცავს, ჩვენ ვერ დავიცავთ პაციენტებს“, – აცხადებდნენ აქციის მონაწილე ექთნები.
აქციის მონაწილეებს ხელში იმ ექიმებისა და ექთნების ფოტოები ეჭირათ, რომლებიც პანდემიის დროს დაიღუპნენ.
აქციის ორგანიზატორი ექთნების ასოციაციაა, რომელშიც 150 000 ექთანია გაერთიანებული.
