უკრაინიდან დეპორტირებული 8 ქართველი საქართველოში ჩამოვიდა
უკრაინიდან დეპორტირებული 8 ქართველი საქართველოში ჩამოვიდა. დეპორტირებული საქართველოს მოქალაქეები ბორნით ფოთის პორტში ჩაიყვანეს.
უკრაინიდან გამოძევებულთა შორის არის რუსთავი2-ის კიევის ბიუროს ოპერატორი თამაზ შავშიშვილი და ქართველი მებრძოლები, რომელთა ადგილმდებარეობა, ორი დღის განმავლობაში, უცნობი იყო.
დეპორტირებულებს ნათესავები თბილისის საერთაშორისო აეროპორტში ელოდებოდნენ. საქართველოს 8 მოქალაქე, უკრაინის უშიშროების სამსახურის ინფორმაციით, უკრაინის ტერიტორიაზე უკანონოდ იმყოფებოდა.
საქართველოს ექსპრეზიდენტის და ამჟამად უკრაინის “ახალ ძალთა მოძრაობის” ლიდერის, მიხეილ სააკაშვილის მტკიცებით კი, ქართველებს ქვეყანა მასთან ურთიერთობის გამო დაატოვებინეს.