უკრაინაში ბახმუტთან ქართველი მებრძოლი დაიღუპა
უკრაინაში,ბახმუტთან კიდევ ერთი ქართველი მებრძოლი 31 წლის ნიკა გელენიძე დაიღუპა.
ოჯახმა მისი გარდაცვალების შესახებ გუშინ საღამოს შეიტყო.
მათი თქმით, იგი უკრაინაში 5 სექტებერს წავიდა.
ახლობლების ინფორმაციით, ის ბახმუტთან იბრძოდა, სადაც დაბომბვის შედეგად დაიღუპა. ნიკა აფხაზეთიდან დევნილია და ოჯახთან ერთად ფოთში ცხოვრობდა. ჯერ უცნობია,თუ როდის მოხდება მისი საქართველოში გადმოსვენება. თუმცა,მისი ცხედრის გამოყვანა ბრძოლის ველიდან მოხერხდა.
“წესიერი და პატიოსანი ბიჭი იყო. ჩემს ხელში გაიზარდა. არ ვიცი რატომ წავიდა. გუშინ საღამოს გავიგეთ ეს ამბავი. აფეთქება მოხდა და იმ დროს დაიღუპაო.სხვა დეტალები ჩვენთვის უცნობია. მოულოდნელი იყო მისი წასვლა უკრაინაში საბრძოლველად. ეს ბიჭი გმირი იყო და გმირულად შეეწირა რუსეთ-უკრაინის ომს,“- განაცხდა ნიკა გელენიძის ოჯახის ახლობელმა.
გელენიძე 57-ე ქართველია,რომელიც რუსეთ-უკრაინის ომს შეეწირა.
