მნიშვნელოვანიმსოფლიოსიახლეები

უკრაინელმა სამხედროებმა კიდევ 150 რუსი ჯარისკაცი მოკლეს

მარიუპოლში ინფექციური დაავადებების გავრცელება დაიწყო

უკრაინის შეიარაღებული ძალების გენერალური შტაბის ინფორმაციით, უკრაინელმა სამხედროებმა კიდევ 150 რუსი ჯარისკაცი მოკლეს და ომის დაწყების შემდეგ ლიკვიდირებული ოკუპანტების რაოდენობა, დაახლოებით 32 050 -ს შეადგენს.

მათივე ცნობით, 24 თებერვლიდან, შეიარაღებულმა ძალებმა ასევე გაანადგურეს

📌32 050 ჯარისკაცი

📌1419 ტანკი

📌3466 ჯავშანტექნიკა

📌712 საარტილერიო სისტემა

📌222 მრავალჯერადი სარაკეტო გამშვები სისტემა

📌97 საჰაერო თავდაცვის სისტემა

📌212 საბრძოლო თვითმფრინავი

📌178 ვერტმფრენი

📌579 ოპერატიულ-ტაქტიკური დონის უპილოტო საფრენი აპარატი

📌125 ფრთოსანი რაკეტა

📌13 გემი/კატერი

📌2448 სხვადასხვა საავტომობილო ტექნიკა და ტანკერი

📌54 ერთეული სპეციალური ტექნიკა.

ამასათან მარიუპოლის მერი, ვადიმ ბოიჩენკო ამბობს, რომ ქალაქში ინფექციური დაავადებების გავრცელება დაიწყო.

“ქალაქში უკვე დადის ქოლერა, დიზენტერია და სხვა ინფექციური დაავადებები, მაგრამ საოკუპაციო ძალები ამას მალავენ. ქალაქი კარანტინზეა დაკეტილია. იქიდან არავის უშვებენ და არც შიგნით უშვებენ”, – თქვა მერმა BBC-სთან ინტერვიუში.

ბოირჩენკოს შეფასებით, მარიუპოლში ახლა შესაძლოა ქოლერით ათობით ადამიანი იყოს დაინფიცირებული და მათი რიცხვი კიდევ უფრო გაიზრდება.

“ეს ინფექცია ძალიან სწრაფად ვრცელდება. არავითარი პირობა არაა მის შესაკავებლად. არ არიან ექიმები, არც ინფექციური საავადმყოფოები. ჩვენი ინფექციური საავადმყოფო განადგურებულია მთელ აღჭურვილობასთან ერთად, ექიმები კი მოკლეს”, – თქვა მერმა.

ამასთან, მისივე თქმით, საავადმყოფოში ქოლერას დიაგნოზით გადაყვანის კონკრეტული შემთხვევა არ დაფიქსირებულა, რადგანაც საავადმყოფოზე წვდომა არაა. თუმცაღა ბოიჩენკოს მიაჩნია, რომ არსებობს ყველა ნიშანი იმისა, რომ მარიუპოლში ქოლერას გავრცელება დაიწყო. კერძოდ ქალაქში ბევრი მოკლულია, რომელთა ცხედრები პირდაპირ ქუჩაშია.

“ძლიერი წვიმებია, რომლებიც ანადგურებს სამარხებს. ამ სამარხებს მარიუპოლელები მთელი ომის განმავლობაში აკეთებდნენ – ხალხს მარხავდნენ ეზოებში, პარკებში, სკევერბში, გორაკებზე. ამას ემატება წყლით მომარაგების გაუმართავი სისტემა და, რაც ყველაზე მნიშვნელოვანია, გაუმართავი კანალიზაცია. ყველაფერი ეს ქმნის ისეთ ნარევს, რომელიც მიდის პირდაპირ მდინარეებისა და ჭების მიმართულებით, საიდანაც ხალხი წყალს იღებს”, – თქვა ბოიჩენკომ.

მისივე განცხადებით, ქალაქის ჭების წყალი სასმელად უვარგისია, ხოლო მოტანილი მარაგი საკმარისი არაა.

მსგავსი პოსტები

Back to top button