უკრაინაში იარაღის გაგზავნის წინააღმდეგ გერმანიაში საპროტესტო აქცია გაიმართა
უკრაინაში იარაღის გაგზავნის წინააღმდეგ გერმანიაში საპროტესტო აქცია გაიმართა, – ამის შესახებ საერთაშორისო მედია წერს.
მედიის ინფორმაციით, ქალაქ დიუსელდორფში აქციაზე ასობით ადამიანი გამოვიდა. დემონსტრანტებმა გააკრიტიკეს ნატო და აღნიშნეს, რომ ალიანსი ძირს უთხრის მშვიდობას და აქეზებს ომს.
აქციის მონაწილეებს ეჭირათ ბანერები წარწერით: „არა მშვიდობა ნატო-სთან“, „ჩვენ გვინდა მშვიდობა“ და „შეაჩერე ეკონომიკური ომი რუსეთის წინააღმდეგ“.
როგორც აქციის მონაწილეები აღნიშნავენ, ალიანსი ძირს უთხრის მშვიდობას და ომის წაქეზებაში დაადანაშაულეს.
დემონსტრანტებმა განაცხადეს, რომ რუსეთ-უკრაინის კონფლიქტი რთული მიზეზების გამო დაიწყო, დასავლეთის ქვეყნები კი აძლიერებენ დაძაბულობას უკრაინას სამხედრო დახმარების გაწევით.
ამასთან შეერთებული შტატების სახელმწიფო მდივნის თქმით, რუსეთის პრეზიდენტის, ვლადიმერ პუტინის მოლოდინი, რომ დასავლეთი უკრაინის დახმარებას შეწყვეტს მცდარია. როგორც ბლინკენმა აღნიშნა, ამის დასტური უკრაინისადმი გრძელვადიანი საერთაშორისო მხარდაჭერაა.
“უკრაინისადმი გრძელვადიანი საერთაშორისო მხარდაჭერა დასტურია იმისა, რომ რუსეთის პრეზიდენტის მოლოდინი, რომ დასავლეთი უკრაინის მხარდაჭერას შეწყვეტს, მცდარია.
და ეს არის ყველაზე სწრაფი გზა ამ ომის დასასრულებლად. რუსეთმა განიცადა დიდი დანაკარგები. ზიანი, რომელიც პუტინმა ქვეყანას მიაყენა, ძალიან დიდია. სამხედრო და ეკონომიკურად ისინი ბევრად სუსტები არიან, ვიდრე იყვნენ. მათი პოზიციები მსოფლიოში დაეცა, მილიონობით რუსმა დატოვა ქვეყანა.”, – თქვა ბლინკენმა.
როგორც ბლინკენმა აღნიშნა, ამ კვირაში ვილნიუსის სამიტზე ყველამ დაინახა, როგორ იღებდა ათობით ქვეყანა კონკრეტულ ზომებს, უკრაინის მხარდაჭერის გასაძლიერებლად.
