მნიშვნელოვანისაქართველოსიახლეები

უკრაინა და საქართველო იქნებიან NATO-ს წევრები-სტოლტენბერგი

“ეს არ მოხდება ხვალ, მაგრამ უკრაინა და საქართველო იქნებიან NATO-ს წევრები, ამის შესახებ NATO-ს გენერალურმა მდივანმა, იენს სტოლტენბერგმა ჯორჯთაუნის უნივერსტეტში გამართულ დისკუსიაზე ისაუბრა

„მხოლოდ NATO-ს წევრებმა, საქართველომ და უკრაინამ უნდა გადაწყვიტონ, როდის იქნებიან ეს ქვეყნები მზად გაწევრიანებისთვის და არა – რუსეთმა. ჩვენ მხარს ვუჭერთ საქართველოს და უკრაინის ძალისხმევას რეფორმების გატარებისა და NATO-ს სტანდარტებთან დაახლოების კუთხით. როცა 30 წევრი შეთანხმდება, რომ ეს ქვეყნები მზად არიან, ისინი NATO-ს წევრები გახდებიან. ეს არ მოხდება ხვალ, მაგრამ უკრაინა და საქართველო იქნებიან NATO-ს წევრები. ამიტომ მინდა მივმართო ჩვენს მოკავშირეებს და ამის შესახებ ჯო ბაიდენსაც ვესაუბრე, უნდა გავზარდოთ ჩვენი ძალისხმევა და მეტი გავაკეთოთ ასპირანტი ქვეყნებისთვის. გაწევრიანებამდე უნდა დავეხმაროთ მათ ინსტიტუტების ჩამოყალიბებაში, უსაფრთხოების და თავდაცვის სფეროებში. რეფორმების გატარებასა და კორუფციასთან ბრძოლაში. ეს არის ის, რასაც  მე NATO-ს შიგნით ვაცხადებ და იმედი მაქვს, მომავალი სამიტისთვის ამბიციური გადაწყვეტილებამდე მივალთ.”-განაცხადა იენს სტოლტენბერგმა.

მსგავსი პოსტები

Back to top button