მნიშვნელოვანიმსოფლიოსიახლეები

ვაპირებთ თუ არა სხვა ქვეყნებზე თავდასხმას, ჩვენ არ ვგეგმავთ ამას-ლავროვი

რუსეთი განწყობილია უკრაინასთან სერიოზული დიალოგისთვის. ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა თურქეთის ქალაქ ანტალიაში, უკრაინის საგარეო საქმეთა მინისტრ დმიტრო კულებასთან შეხვედრის შემდეგ გამართულ პრესკონფერენციაზე.

ლავროვის თანახმად, კულებასთან განიხილა უკრაინაში არსებული ჰუმანიტარული სიტუაცია და დაადასტურა, რომ მოსკოვის ინიციატივა ჰუმანიტარული დერეფნების ყოველდღიურად გახსნის შესახებ ძალაში რჩება.

ლავროვის განცხადებითვე, დიალოგის ძირითად არხად რჩება რუსეთ-უკრაინის მოლაპარაკებები ბელარუსის ტერიტორიაზე, სადაც სამი რაუნდი უკვე შედგა და რუსეთი ელოდება თავის წინადადებებზე უკრაინის პასუხს.

რუსეთის საგარეო საქმეთა მინისტრმა დღეს ისევ გაიმეორა, რომ რუსეთი უკრაინას თავს არ დასხმია და არ გეგმავს სხვა ქვეყნებზე თავდასხმასაც.

რაც შეეხება თქვენს შეკითხვას, ვაპირებთ თუ არა სხვა ქვეყნებზე თავდასხმას, ჩვენ არ ვგეგმავთ ამას! – ამის შესახებ რუსეთის საგარეო საქმეთა მინისტრმა სერგეი ლავროვმა თურქეთში, უკრაინის საგარეო საქმეთა მინისტრთან, დმიტრო კულებასთან შეხვედრის შემდეგ გამართულ პრესკონფერენციაზე განაცხადა.

მისივე თქმით, უკრაინას რუსეთი თავს არ დასხმია.

„რაც შეეხება თქვენს შეკითხვას, ვაპირებთ თუ არა სხვა ქვეყნებზე თავდასხმას, ჩვენ არ ვგეგმავთ ამას, უკრაინას რუსეთი არ დასხმია თავს. არაერთხელ ავხსენით და განვმარტეთ, რომ შეიქმნა სიტუაცია, რომელიც რუსეთის ფედერაციას უშუალოდ უქმნიდა საფრთხეს. ჩვენ არაერთი წელი შევაგონებდით, ვთხოვდით, პრეზიდენტ პუტინს არაერთხელ გამოუთქვამს თავისი აზრი. რაც შეეხება ლუგანსკისა და დონეცკის ოლქებში მომხდარ მოვლენებს, თავდასხმა ამ რესპუბლიკებზე ძალზე გულდასმით მზადდებოდა. გეტყვით იმას, რომ ვინც უკრაინას იარაღს ატენის და ასხამს ამ იარაღს, ფაქტობრივად, იგი ბიძგს აძლევს უკრაინაში დაქირავებული ჯარისკაცების გამოშვებას, როდესაც იქმნება მთელი რიგი ბატალიონებისა, რომლებიც უკრაინის ყოველდღიურობაში შემოდიან“, – განაცხადა სერგეი ლავროვმა, რომლის განცხადების თარგმანსაც „რუსთავი 2“ ავრცელებს.

რუსეთის საგარეო საქმეთა მინისტრმა სერგეი ლავროვმა, უკრაინის საგარეო საქმეთა მინისტრთან ანტალიაში გამართული შეხვედრის შემდეგ პრესკონფერენცია გამართა. ერთ-ერთი კითხვა, იმ სამშობიაროს ეხებოდა, რომლის გუშინ მარიუპოლში დაიბომბა და ამ ფაქტის ამსახველი არაერთი კადრებიც გავრცელდა. თუმცა, სერგეი ლავროვი ამბობს, რომ ეს სამშობიარო უკვე დიდი ხანია ხელში ჩაიგდეს რადიკალებმა და იქიდან ყველა მშობიარე ქალი და მედდა გაყვანილი იყო.

“სამშობიაროები? არაერთხელ გვესმის ასეთი პათეტიკური მსჯელობები, თითქოს რუსეთის შეიარაღებული ძალები ჩადიან ამას. 7 მარტს, 3 დღის წინ, გაეროს უშიშროების საბჭოს სხდომაზე, ჩვენმა დელეგაციამ ფაქტები წარმოაჩინა, რომ ეს სამშობიარო უკვე დიდი ხანია ხელში ჩაიგდო ბატალიონმა აზოვმა, რადიკალებმა, საიდანაც ყველა მშობიარე ქალი და ყველა მედდა გაიყვანეს.

ამიტომ, დასკვნების გაკეთება თქვენთვის მომინდვია. მე ვნახე ეს კადრები, რომელიც ძალზედ ემოციურად იყო წარმოჩენილი,”- აცხადებს სერგეი ლავროვი.

რუსეთის და უკრაინის საგარეო საქმეთა მინისტრების შეხვედრაში, რომელიც დღეს, 10 მარტს გაიმართა, მონაწილეობდა თურქეთის საგარეო საქმეთა მინისტრი მევლუთ ჩავუშოღლუც.

მსგავსი პოსტები

Back to top button