რუსეთმა უკრაინაში 281 090 ჯარისკაცი დაკარგა
უკრაინამ კიდევ 64 დაღუპული სამხედროს ცხედარი დაიბრუნა
უკრაინის გენერალური შტაბი რუსი ოკუპანტების სამხედრო დანაკარგების შესახებ ინფორმაციას ავრცელებს ომის დაწყებიდან დღემდე, რუსეთმა უკრაინაში 281 090 ჯარისკაცი დაკარგა. მონაცემები 2022 წლის 24 თებერვლიდან დღემდე, 6 ოქტომბრამდე, არსებულ ინფორმაციას მოიცავს.
უწყების ცნობით, მხოლოდ ბოლო 24 საათის განმავლობაში, თავდაცვის ძალებმა გაანადგურეს დაახლოებით 620 სამხედრო, 30 ჯავშანტექნიკა და 20 ტანკი.
გენშტაბის თქმით, უკრაინულმა მხარემ სხვადასხვა რუსული სამხედრო ტექნიკა გაანადგურა.
ტანკი – 4777
ჯავშანტექნიკა – 9082
საარტილერიო სისტემა – 6666
ზალპური ცეცხლის სარაკეტო სისტემა – 806
საჰაერო თავდაცვის სისტემა – 540
თვითმფრინავი – 315
ვერტმფრენი – 316
ოპერატიულ-ტაქტიკური უპილოტო საფრენი აპარატი – 5158
ფრთოსანი რაკეტა – 1530
გემი/ნავი – 20
სატრანსპორტო საშუალება და საწვავის ავზი – 9015
სპეცტექნიკა – 951
უკრაინამ კიდევ 64 დაღუპული სამხედროს ცხედარი დაიბრუნა. ისინი იდენტიფიცირებისთვის სამართალდამცავებსა და სამედიცინო ექსპერტებს გადაეცემა.
სამხედრო ტყვეთა მკურნალობის საკოორდინაციო შტაბის ცნობით, დაღუპული ოკუპანტების ცხედრები გადაეცა რუსულ მხარესაც.
“ცხედრების გაცვლა განხორციელდა სამხედრო ტყვეთა მოპყრობის საკოორდინაციო შტაბის მიერ და შესაძლებელი გახდა უკრაინის უსაფრთხოების სამსახურის ერთობლივ ცენტრთან, შინაგან საქმეთა სამინისტროსთან, უკრაინის შეიარაღებულ ძალებთან, სახელმწიფო საგანგებო სამსახური სუმის რეგიონში, DPSU, უკრაინის უსაფრთხოებისა და თავდაცვის სექტორის სტრუქტურების სხვა წარმომადგენლების მონაწილეობით,” – ნათქვამია უწყების განცხადებაში.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
