მნიშვნელოვანიმსოფლიოსიახლეები

პუტინი G20-ის სამიტზე “დატვირთული გრაფიკის” გამო არ წავა

რუსეთის პრეზიდენტი, ვლადიმირ პუტინი სექტემბერში, ინდოეთში დაგეგმილ საერთაშორისო ლიდერების მორიგ შეკრებას, G-20-ის სამიტს არ დაესწრება. როგორც უცხოურ მედიას კრემლის სპიკერმა, დიმიტრი პესკოვმა 25 აგვისტოს განუცხადა, მიზეზი პუტინის “დატვირთული გრაფიკია”. მან ასევე აღნიშნა, რომ პრეზიდენტის ძირითადი ყურადღება ამჟამად მეზობელ უკრაინასთან ომზეა გადართული.

პუტინი ასევე არ ესწრებოდა სამხრეთ აფრიკაში გამართულ BRICS-ის სამიტს. ამის მიზეზი კი, სამხრეთ აფრიკელი მასპინძლების განცხადება იყო – მათი თქმით, ომის დანაშაულის გამო, საერთაშორისო სასამართლოს მიერ გაცემული ორდერის საფუძველზე, ვალდებულნი იყვნენ ქვეყანაში ჩასვლისთანავე პუტინი დაეპატიმრებინათ. პუტინი ამ შეხვედრაზე დისტანციურად, ვიდეო ზარით მონაწილეობდა. ჰააგის სისხლის სამართლის სასამართლომ პუტინის დაკავების ორდერი გასული წლის მარტში გასცა.

აღსანიშნავია, რომ ინდოეთში ჩასვლის შემთხვევაში, პუტინს დაპატიმრება არ ემუქრება, რადგან მასპინძელი ქვეყანა არაა ჰააგის საერთაშორისო სასამართლოს ხელმომწერი.

ცნობისთვის, გასული წელს პუტინი იშვიათად ტოვებდა ქვეყანას, უკრაინაში შეჭრის შემდგომ, საერთაშორისო დაგმობისა და უპრეცედენტო სანქციების ფონზე. პუტინმა 2022 წელს ინდონეზიაში გამართული G-20-ის სამიტიც გამოტოვა.

შეგახსენებთ რომ პუტინის სახელზე გაეროს სისხლის სამართლის სასამართლოს (ICC) მიერ დაპატიმრების ორდერია გაცემული, თუმცა ინდოეთი – ისევე, როგორც აშშ, ჩინეთი და რუსეთი – ამ ორგანიზაციის ხელმომწერი ქვეყანა არ არის.

გასულ წელს პუტინი არც ინდონეზიაში გაემგზავრა G20-ის სამიტისთვის, იმ ფონზე, როცა რამდენიმე ქვეყანა აცხადებდა, რომ მისი მონაწილეობის შემთხვევაში ბოიკოტს გამოაცხადებდა, რუსეთის მხრიდან უკრაინაში შეჭრის გამო.

მსგავსი პოსტები

Back to top button