EMC: “არჩილ ტატუნაშვილის საქმეზე, მთავრობის განცხადებები უფრო მკაფიო უნდა იყოს”
ადამიანის უფლებების სწავლებისა და მონიტორინგის ცენტრში მიიჩნევენ, რომ საოკუპაციო რეჟიმის მიერ დაკავებული მოქალაქის, არჩილ დატუნაშვილის გაურკვეველ ვითარებაში გარდაცვალების საქმეზე, მთავრობა საკმარისად კრიტიკულ განცხადებებს არ აკეთებს. ამის შესახებ ორგანიზაციის სამოქალაქო და პოლიტიკური უფლებების პროგრამის დირექტორმა თამთა მიქელაძემ რადიო “თბილისის” ეთერში, თოქ-შოუ “აქტიურ დროში” განაცხადა.
თამთა მიქელაძის თქმით, მთავრობის მოლაპარაკებები რუსეთთან და სეპარატისტულ რეჟიმებთან სუსტია და ფრაგმენტული, მაშინ როცა, ხელისუფლების ნაბიჯები სისტემური ხასიათის უნდა იყოს.
ორგანიზაციის რეკომენდაციაა, ხელისუფლებამ ადამიანის უფლებათა ევროპულ სასამართლოს რუსეთის წინააღმდეგ სახელმწიფოთაშორისი განაცხადით მიმართოს და ასევე, დროებითი ღონისძიების მექანიზმის გამოყენებით, ცხინვალის ტერიტორიაზე პატიმრობაში მყოფი იოსებ პავლიაშვილის და ლევან ქუტაშვილის გათავისუფლება და უსაფრთხოება მოითხოვოს.
მოისმინეთ თამთა მიქელაძის ხმა.
