გერმანიაში უცნობი პირი გამვლელებს დანით თავს დაესხა: ერთი ქალი დაჭრილია
![](https://heretifm.com/wp-content/uploads/2016/08/big_1470689324_magdeburg_vs.jpg)
გერმანიის ქალაქ მაგდებურგში უცნობი პირი გამვლელებს დანით თავს დაესხა. ინციდენტის შედეგად, 64 წლის ქალი მძიმედ დაიჭრა. ბოროტმოქმედი მიიმალა. მისი საქციელის მოტივები ჯერჯერობით უცნობია. რეგიონში პოლიციის ქვედანაყოფებია მობილიზებული, სამართალდამცველები ბოროტმოქმედს ეძებენ, – იუწყება Die Welt.
გამოცემის ინფორმაციით, დაჭრილი ქალი საავადმყოფოში გადაიყვანეს, ამჟამად მის სიცოცხლეს საფრთხე არ ემუქრება. თვითმხილველების თქმით, ინციდენტის დროს კიდევ 2 ადამიანი დაიჭრა.
პოლიციაში აცხადებენ, რომ ბოროტმოქმედი 25-დან 35 წლამდე, 175-დან 185 სამტიმეტრამდე სიმაღლის, მამაკაცი იყო, რომელიც გერმანულად ლაპარაკობდა. წინასწარი მონაცემებით, მამაკაცი გამვლელებს დაყაჩაღების მიზნით თავს დაესხა და 3 ადამიანი დაჭრა.