კორონავირუსის პანდემიის გამო Grammy Awards 2021-ის დაჯილდოების ცერემონია მარტამდე გადაიდო. ამის შესახებ BBC წერს.
გამოცემის ინფორმაციით, კალიფორნიაში COVID-19-ის შემთხვევების მნიშვნელოვანი მატების გამო ცერემონია 31 იანვრის ნაცვლად 14 მარტს ჩატარდება.
„არაფერია იმაზე მნიშვნელოვანი, ვიდრე მუსიკალურ ინდუსტრიის წარმომადგენლებისა და ასობით ადამიანის ჯანმრთელობა და უსაფრთხოება, ვინც დაუღალავად შრომობს ჩვენი შოუს მოსამზადებლად“, – ნათქვამია ორგანიზატორების განცხადებაში.
წლევანდელი დაჯილდოების ნომინანტთა სია ჯერ კიდევ ნოემბერში გამოქვეყნდა:
ბიონსე, ტეილორ სვიფტი და დუა ლიპა ნომინაციების რაოდენობით გრამი 2021-ის ლიდერები არიან. ამის შესახებ BBC წერს.
გამოცემის ინფორმაციით, მომღერლებს შორის ლიდერი ბიონსეა, რომელიც 9 კატეგორიაშია წარმოდგენილი. სვიფტს გამარჯვების 6 შანსი აქვს. ამერიკელი წარდგენილია კატეგორიაში „საუკეთესო ალბომი“, რომელშიც გასული 2 წლის განმავლობაში გაიმარჯვა. თუ სვიფტმა წელსაც მოიგო, ის ცერემონიის რეკორდს მოხსნის.
ასევე 6 ნომინაცია აქვს ბრიტანელ დუა ლიპას. პირველი ნომინაცია მოიპოვა სამხრეთკორეულმა ჯგუფმა BTS, სიმღერისთვის Dynamite.
