“ისლამური სახელმწიფოს” მეომრები ეგვიპტის პირამიდების აფეთქებით იმუქრებიან [Video]
ISIS-ის მეომრები ეგვიპტის პირამიდების აფეთქებით იმუქრებიან. ინფორმაციას Fars News-ი ავრცელებს.
გამოცემის თანახმად, “ისლამური სახელმწიფოს” მეომრები მორიგ ვიდეომიმართვაში იმუქრებიან, რომ გიზის პირამიდებს ააფეთქებენ.
აღსანიშნავია, რომ ტერორისტები “ურჯულოების მიერ აგებულ” კულტურის ძეგლებს ანადგურებენ. მეომრები ეგვიპტის პირამიდების აფეთქებას ისევე აპირებენ, როგორც ერაყში ნაბუს ტაძარი გაანადგურეს.
მიმართვიდან გამომდინარე, “ისლამური სახელმწიფოს” მეომრები მსოფლიო მემკვიდრეობის ძეგლებს არ დაინდობენ, თუ ისინი ისლამთან კავშირში არ არიან. მაგალითად სირიაში, 2015 წელს, უძველეს ქალაქ პალმირას დაკავების შემდეგ, ტერორისტემა სიძველეების უდიდესი ნაწილი გაანადგურეს.
