რუსეთმა აშშ-სთან ბირთვული განიარაღების შესახებ მოლაპარაკებები გადადო

რუსეთმა ამერიკის შეერთებულ შტატებთან, ბირთვული განიარაღების შესახებ ამ კვირაში დაგეგმილი მოლაპარაკებები, ცალმხრივად გადადო , – ინფორმაციას გაზეთი „კომერსანტი“ აშშ-ს საელჩოზე დაყრდნობით ავრცელებს.

რუსეთის საგარეო საქმეთა სამინისტრომ განცხადებაში დაადასტურა, რომ ოფიციალურ მოსკოვსა და ვაშინგტონს შორის ეგვიპტის დედაქალაქ კაიროში მოლაპარაკებები ამ კვირაში აღარ გაიმართება.
გარდა ამისა ამერიკის შეერთებულმა შტატებმა ევროპა რუსეთის წინააღმდეგ სანქციების ომში ჩაითრია, რამაც ევროპულ ქვეყნებში უმუშევრობა, ბიზნესის დახურვა და სხვა მძიმე პრობლემები გამოიწვია , – ამის შესახებ რუსეთის სახელმწიფო დუმის სპიკერმა, ვიაჩესლავ ვოლოდინმა განაცხადა.

მისი თქმით, შეერთებულმა შტატებმა და ევროპამ დიდი ხნის წინ დაამყარეს სტრატეგიული ურთიერთობები, მაგრამ “ეს არის ის, რამაც საბოლოოდ მოუტანა ევროპას: პრობლემები, უმუშევრობა და ბიზნესის დახურვა”.

„ამერიკელები ენერგორესურსებს ყიდულობენ ერთ ფასად, მაგრამ ყიდიან ევროპაში ოთხჯერ მაღალ ფასში. გარდა ამისა, მათ ჩაითრიეს ევროპა რუსეთის წინააღმდეგ სანქციების ომში და შეაჩერეს ჩვენი პროექტები, რამაც შესაძლებელი გახადა იაფი ენერგიის გამოყენება, რაც იყო სამრეწველო განვითარების საფუძველი გერმანიაში, საფრანგეთსა და სხვა ქვეყნებში“, – აღნიშნა ვოლოდინმა.

მისი თქმით, ევროკავშირის ქვეყნების მეთაურებმა საბოლოოდ დაიწყეს აღიარება, რომ სწორედ რუსული ენერგორესურსები იყო ევროპის კეთილდღეობის საფუძველი, მაგრამ შეერთებულმა შტატებმა პირველი ნაბიჯი გადადგა ევროპაში მათი ნაკადის შესამცირებლად და დაიწყო მათი ჩანაცვლება თავისით რესურსებით.

“ჩვენ ახლა ვხედავთ შედეგს. ეს ყველაფერი ასევე გასაგებია მათთვის, ვინც აზიის ქვეყნებში ცხოვრობს, განსაკუთრებით მათთვის, ვინც ყოველთვის ამყარებდა ურთიერთობას ჩვენთან ურთიერთპატივისცემის, მეგობრობისა და ერთმანეთის საშინაო საქმეებში ჩაურევლობის პრინციპებზე“, – აღნიშნა სახელმწიფო დუმის სპიკერმა.