საქართველოს მესამე პრეზიდენტი სასამართლოში გადაჰყვათ

საქართველოს მესამე პრეზიდენტი მიხეილ სააკაშვილი, რუსთავის პენიტენციური დაწესებულებიდან, თბილისის საქალაქო სასამართლოში გადაჰყვათ. სპეციალური ესკორტი თბილისის მიმართულებით უკვე დაიძრა.

სხდომას, რომელიც 13:00 საათზეა ჩანიშნული თავად მიხეილ სააკაშვილიც დაესწრება.

დაპატიმრებულმა პრეზიდენტმა ჯერ კიდევ გუშინ ციხიდან დაანონსა, რომ ხალხთან სალაპარაკო აქვს.

ამჯერად საქალაქო სასამართლო სააკაშვილის წინააღმდეგ სისხლის სამართლის საქმეს – სახელმწიფო საზღვრის უკანონოდ კვეთის ფაქტზე განიხილავს. ექსპრეზიდენტის უფლებადამცველის განმარტებით, დაცვის მხარე სასამართლო პროცესზე რამდენიმე შუამდგომლობას დააყენებს.

მიხეილ სააკაშვილი საზღვრის უკანონო კვეთისთვის 1 ოქტომბერს დააკავეს, იგივე საქმეზე გამოძიებას კიდევ 3 ბრალდებული ჰყავს.
სხდომას, რომელიც 13:00 საათზეა ჩანიშნული თავად მიხეილ სააკაშვილიც დაესწრება.

სააკაშვილის საქმეები სხვა ბრალდებულების საქმეებისგან გამოყვეს და სასამართლო ცალ-ცალკე ეპიზოდებად განიხილავს.