გაერთიანებული ოპოზიცია ფარულ ჩანაწერს აქვეყნებს [Audio]
გაერთიანებული ოპოზიცია ამბობს, რომ საჯარო მოსამსახურეებზე გრძელდება ზეწოლა და მათ სალომე ზურაბიშვილისთვის ხმის მიცემას აიძულებენ.
ამის დასტურად ოპოზიციამ სატელეფონო ჩანაწერი გამოაქვეყნა, სადაც ავტორი სატრანსპორტო კომპანიის თანამშრომლებს, შოთა კარასაშვილსა და სტელა ხაჩატურიანს “ქართული ოცნების” საარჩევნო შტაბის წარმომადგენლის სტატუსით ეცნობა.
ჩანაწერის ავტორი კომპანიის თანამშრომლებს ეკითხება, მიიღეს თუ არა დავალება სატრანსპორტო კომპანიიდან, რომ საპრეზიდენტო არჩევნებზე უნდა მივიდნენ და ხმა სალომე ზურაბიშვილს მისცენ.
მოუსმინეთ მასალას რომელიც ოპოზიციამ გაავრცელა ►
გაერთიანებული ოპოზიციის მიერ გავრცელებულ სატელეფონო ჩანაწერს, რომელიც ხელისუფლებისთვის სასურველი კანდიდატის მხარდასაჭერად ადმინისტრაციული რესურსის გამოყენებასა და ამომრჩეველზე ზეწოლას ეხება, თბილისის სატრანსპორტო კომპანიაში გამოეხმაურნენ. კომპანიაში აცხადებენ, რომ ოპოზიციის მიერ გაჟღერებული ინფორმაცია სიცრუე და პროვოკაციაა. სატრანსპორტო კომპანია პოლიტიკურ პარტიებს მოუწოდებენ, ხელი არ შეუშალონ მათ თანამშრომლებს საქმიანობის განხორციელებაში. თბილისის სატრანსპორტო კომპანია შესაბამის უწყებებს ფაქტის გამოძიებისკენ მოუწოდებს.
ციტატა სატრანსპორტო კომპანიის მიერ გავრცელებული განცხადებიდან ►
