კახეთში იარაღის უკანონო შენახვისათვის ორი პირი დააკავეს

კახეთში იარაღის უკანონო შენახვისათვის ორი პირი დააკავეს.
დაკავებულები საგარეჯოს მუნიციპალიტეტის სოფელ ლამბალოში მცხოვრები 32 წლის და სიღნაღში მცხოვრები 60 წლის ასაკის მამაკაცები არიან .

სოფელ ლამბალოში მცხოვრებ მამაკაცს, კახეთის პოლიციის დეპარტამენტის თანამშრომლებმა ცეცხლსასროლი იარაღი საკუთარი ავტომანქანის ჩხრეკისას აღმოუჩინეს.

სიღნაღში, ცეცხლსასროლი იარაღი პოლიციელებმა ბრალდებულის საცხოვრებელი სახლის ჩხრეკის შედეგად იპოვეს.
შედეგად, ამოღებულია „ნაგანის“ ტიპის 2 პისტოლეტი და ავტომატური ცეცხლსასროლი იარაღი.

ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის და ტარების ფაქტებზე გამოძიება საქართველოს სსკ-ის 236-ე მუხლის მე-3 და მე-4 ნაწილებით დაიწყო.

ბრალის დამტკიცების შემთხვევაში, დაკავებულებს 3-დან 7 წლამდე ვადით თავისუფლების აღკვეთა ემუქრებათ.