რეგიონი
არის გარდაცვლილი და დაშავებულები – ავარია კახეთში
მსხვერპლით დასრულდა ავტოსაგზაო შემთხვევა გურჯაანში- გარდაცვლილია ერთი და ორი მძიმედაა დაშავებული.
შემთხვევა, ცოტა ხნის წინ, გურჯაანის ცენტრალურ მაგისტრალზე, კურორტ “ახტალას” მიმდებარე ტერიტორიაზე მოხდა.
ერთმანეთს მსუბუქი ავტომობილები შეეჯახნენ, რა დროსაც რამდენიმე პირი მძიმედ დაშავდა.
ისინი სასწრაფო- სამედიცინო დახმარების ბრიგადამ გურჯაანის ჯეო ჰოსპიტალსის კლინიკაში გადაიყვანა.
ექიმების განმარტებით, ერთი უკვე გარდაცვლილი, ორი კი მძიმე მდგომარეობაში მყოფი პირები არიან.
ერთ- ერთი დაშავებულის მდგომარეობა, კრიტიკულია .
მომხდარ ფაქტზე გამოძიება სისხლის სამართლის კოდექსის 276- ე მუხლის მეექვსე ნაწილით დაიწყო.
