ახმეტაში ზვიად ზვიადაური დაკრძალეს

თელავის მუნიციპლიტეტის სოფელ წინანდალში სისხლიანი გარჩევის დროს მოკლული, ოლიმპიური ჩემპიონის, ზურაბ ზვიადაურის ძმა,დღეს, ახმეტაში დაკრძალეს.

დაკრძალვას, პატიმარი ზვიადაური ბადრაგის თანხლებით ესწრებოდა.სამგლოვიარო ცერემონიის შემდეგ, ის კვლავ სასჯელაღსრულების დაწესებულებაში გადაიყვანეს.

დაკრძალვას სპორტული საზოგადოების წარმომადგენლები და პოლიტიკოსები ესწრებოდნენ.
დღესვე დაკრძალეს გარჩევის დროს გარდაცვლილი, მეორე პირი, ვასილ ციცხალაშვილიც, რომელიც მომხდარი შემთხვევის დროს, პირველი გასროლის ავტორად სახელდება.

სოფელ თაბაგრებში, ჭიათურაშია გადასვენებული, მედე გარდაცვლილი, ნიკა კენჭოშვილი.ზურაბ ზვიადაურს, 27 წლის ნიკა კენჭოშვილის განზრახ მკვლელობაში ედება ბრალი.

თელავის რაიონულმა სასამართლომ, ყოფილი დეპუტატს პატიმრობა, გუშინ,18 აგვისტოს შეუფარდა. დაპატიმრებულია მისი ნათესავი, ჯაბა ჯანგირაშვილი, რომელსაც გამოძიება, ცეცხლსასროლი იარაღის, დაუდევრად შენახვას ედავება.

გამოძიება მომხდარ ფაქტზე, სისხლის სამართლის კოდექსის 108-ე და 238-ე მუხლებით მიმდინარეობს.