“ორმა და სამმა ადამიანმა ერთად არ უნდა იკვებოს”

“ორმა და სამმა ადამიანმა ერთად არ უნდა იკვებოს, რომ გადავლახოთ ეს პერიოდი, კვლავ გავაგრძელოთ სიცოცხლე.” – ამის შესახებ, თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა ლევან რატიანმა “რუსთავი 2-ის” ეთერში განაცხადა.

ლევან რატიანმა საზოგადოებას ჰიგიენური ნორმების დაცვისკენ კიდევ ერთხელ მოუწოდა:

“ნებისმიერმა მოქალაქემ უნდა გაითვალისწინოს ის პრევენციული ღონისძიებები, რაც კორონავირუსის სწინააღმდეგოდ არის მიმართული. ჰიგიენური წესები, თუნდაც, ხელის დაბანა, დისტანცია, შეკრებები, ოჯახში სიმართლე რომ გითხრა, ალბათ, ორმა და სამმა ადამიანმა ერთად არ უნდა იკვებოს, რომ გადავლახოთ ეს პერიოდი, კვლავ გავაგრძელოთ სიცოცხლე.” – ამბობს რატიანი.