ოკუპანტების სამხედრო დანაკარგის შესახებ ინფორმაცია ვრცელდება

უკრაინის თავდაცვის სამინისტრო რუსი ოკუპანტების სამხედრო დანაკარგის შესახებ მორიგ ინფორმაციას ავრცელებს. მონაცემები მოიცავს 24 თებერვლიდან 8 აპრილამდე პერიოდს.

სამინისტროს ცნობით, აგრესორების სამხედრო დანაკარგი ასეთია:

✔ჯარისკაცი – დაახლოებით 19 000

✔ტანკი – 700

✔ჯავშანტექნიკა – 1 891

✔საარტილერიო სისტემა – 333

✔სარაკეტო სისტემა – 108

✔საზენიტო საბრძოლო სისტემა – 55

✔თვითმფრინავები – 150

✔ვერტმფრენი – 135

✔სამხედრო საავტომობილო ტექნიკა – 1 361

✔გემი/ნავი/კატარღა – 7

✔საწვავის რეზერვუარი – 76

✔ოპერატიულ-ტაქტიკური უპილოტო საფრენი აპარატი – 112

✔სპეციალური აღჭურვილობა – 25

✔გამშვები OTRK / TRK / მობილური SRBM სისტემა – 4

კრემლის პრესმდივანმა დმიტრი პესკოვმა 7 აპრილს განაცხადა, რომ რუსეთმა “მნიშვნელოვანი დანაკარგი” განიცადა უკრნაში – სადაც რუსეთის ჯარი 24 თებერვალს შეიჭრა, კრემლის ფრაზით “საგანგებო სამხედრო ოპერაციისთვის”.

რუსეთის თავდაცვის სამინისტრომ ამ დროისთვის ყველაზე ბოლოს, 25 მარტს განაცხადა, რომ კამპანიის დაწყებიდან დაიღუპა 1351 რუსი ჯარისკაცი, დაიჭრა 3825 სამხედრო.

ორი დღით გვიან გერმანიის კანცლერმა, ოლაფ შოლცმა თქვა, რომ, სავარაუდოდ, დაღუპულია სულ მცირე 10 000 რუსი ჯარისკაცი.

“დიდი სამხედრო დანაკარგი გვაქვს”, – უთხრა პესკოვმა ბრიტანულ არხს, Sky News-ს, ინტერვიუში და დასძინა: “ეს ჩვენთვის უზარმაზარი ტრაგედიაა”.

გაერო აცხადებს, რომ დადასტურებულია ათასზე ბევრად მეტი სამოქალაქო პირის სიკვდილი, თუმცა რეალური მონაცემი, დიდი ალბათობით, ამ რიცხვს მნიშვნელოვნად აჭარბებს.